侯尔斯卡细顶巴塞隆拿
巴塞隆拿2021年第1击，周一凌晨西甲作客侯尔斯卡！巴塞虽有阿根廷前锋美斯复出，不过今季面对屯重兵防守嘅对手往往束手无策，呢点亦係巴塞作客成绩低迷嘅主要原因，主队侯尔斯卡虽然位处降班区，但防守效率之高令唔少强队吃尽苦头，巴塞今仗要撕破密集防线有极大难度，2.5球入球细值得捧场。
美斯复出状态不足
巴塞拥有美斯、基沙文同奥士文尼迪比利等攻击好手，不过喺朗奴高文执教下，採取较为实务嘅踢法，强大火力已不复见，尤其面对专注防守嘅对手，经常出现赢形势入唔到波嘅不利情况，近期作客喺卡迪斯、艾拉维斯同基达菲3支中下游球队身上失分，以及上周中联赛主场同伊巴踢成1比1，正係最佳例子，尤其美斯近期受到足踝伤患困扰，今场复出可唔可以交出百分百状态，实属一大疑问。
侯尔斯卡上场作客1比2不敌切尔达，依家位处联赛榜降班区，不过佢哋喺主场出击并不示弱，防守更有颇高水平发挥，今季7场联赛主场只失7球，主场失球数字比巴塞隆拿更少，因此近7场联赛主场有6场总入球开两球或以下，之前面对西维尔亦仅于完场前失波输0比1，迎战马德里体育会更成功守和0比0，可见侯尔斯卡主场防守非常硬淨，今场捧入球细稳阵。
