英超周五优先场，阿士东维拉主场迎战列斯联。上季惊险成功护级嘅维拉开季大踢争气波，录得4战全胜历史佳绩，包括大炒利物浦7比2，虽然入球甚多，但今场对手列斯联基本上踢防反战术，以抢逼为主，加上两军近8次对赛7次开2球或以下，捧中位数2.5球入球细係明智选择。
季前又有边个估到，英超开季至唯一全胜之师就係维拉，佢哋暂居联赛榜次席，比榜首爱华顿仅少1分但係少踢1场。现时维拉已创下球会自1930至31年球季以来最佳开局，不过领队甸恩史密夫仍以平常心对待，毕竟依家只係季初，希望球员继续保持平稳发挥，唔好因为心雄而出现失误。维拉今季攻力唔错，前锋线有当红射手奥尼屈坚斯、基亚利殊同巴克里，但后防更加稳健，门将达米安马天尼斯今季大打争气波，列斯联今场想入波唔容易。
列斯联浪射嘥料
作客嘅列斯联升班首2场联赛均开出总入球「7+」，丧攻踢法极富娱乐性，但其实呢班波主要踢全场人盯人战术，由前场已经开始逼抢，抢到波就立即送前进攻，因此列斯联嘅赛事节奏明快，绝无闷场。不过佢哋埋门把握力唔算太强，即使近4场射门都录得双位数，但好多都係浪射，命中率唔高，以致近3仗仅得1胜，而且全部开2球或以下。喺防中加云菲腊斯受伤缺阵下，其他球员就要分担佢嘅防守工作，或会影响攻力。
维拉与列斯联踢法套路，同样係逼抢及快速反击，预计今场战况会快上快落，但入波唔会太多，加上双方对赛倾向少入球，宁追入球细。
