阿仙奴半和迅得过
出战欧霸 练兵为主
欧霸分组赛今晚开打，其中英超阿仙奴喺B组作客奥地利2哥维也纳迅速。「兵工厂」向来看待欧霸未算积极，经常派小将上阵收练兵之效，造访近况不俗嘅迅速，宁捧半场和。
连同今届在内，阿仙奴已连续4届出战欧霸，而且两度杀入4强兼1次获亚军，成绩唔失礼。不过佢哋喺呢项盃赛始终以练兵为主，尤其係分组赛，好似已经上咗位做埋大国脚嘅布卡约沙卡，都係靠上届欧霸爆出。
由于阿仙奴嚟紧英超要硬撼李斯特城，相信主帅阿迪达会收起部分主力，如队长奥巴美扬及韦利安等，新加盟中场悍将汤马士柏迪有望首度打正选，等佢适应吓球队打法。有指喺联赛甚少落场嘅薛迪索拉斯、祖尔韦诺克、雷斯尼尔逊及伊美路维等二线兵，今仗亦获委以重任，希望攞番啲状态，但咁嘅阵容不宜高估。
维也纳迅速近况唔输蚀
欧战常客维也纳迅速并非善男信女，唔单止喺联赛排第2，连盃赛在内近4仗取得3胜1和，若果单计主场，近3仗更加赢晒狂轰12粒，唔讲得笑。射手科达斯喺日前盃赛被收起，相信留力今仗。翻查纪录，阿仙奴近5次出战欧霸，有4次开半场和，呢4次半场波胆都係0比0，证明佢哋作客唔会轻举妄动，加上今场只係分组赛首仗冇急切抢分需要，随时更保守，半场和值得再追。
