红魔抢W歎私房菜
富咸「1分政策」遇剋星
今晚英超富咸主场迎战曼联。富咸近期实行「1分政策」，强如利物浦及热刺都喺其脚下失分，不过今晚遇到剋星呢招可能失灵；曼联近4次联赛作客富咸全胜，当中3次赢2球或以上，加上争标关头必加多两钱肉紧，「红魔鬼」客胜有计。
富咸今季重返英超，表现未有太大进步，长期喺联赛下游徘徊，早前圣诞新年赛期更受新冠肺炎疫情影响被迫休战，喺攻力欠锐难以赢波底下，主帅柏加实行「1分政策」，战术偏向保守，上场因安东尼罗宾逊被逐，10人应战下仅负车路士0比1，呢位美国悍将今场亦要停赛。富咸之前由12月中开始到前仗连续5场联赛和波，包括主场对利物浦及作客对热刺等争标劲旅都成功抢分，但佢哋呢种策略「有辣有唔辣」，面对白礼顿及纽卡素等护级对手亦只能和波而回。
曼联近4次联赛作客富咸全胜
面对只求1分嘅富咸，曼联可算係英超中最有办法拆解嘅一队，因为「红魔鬼」係今季英超「作客王」，连同上场「双红会」在内，9场联赛作客录7胜2和不败，另一方面曼联今季面对下游球队亦从未失手，先后击败锡菲联、西布朗及白礼顿等，对住实力平庸嘅富咸自然信心十足。再睇埋往绩曼联更一面倒，近4次联赛作客富咸全胜，当中3次赢2球或以上，富咸求和嘅算盘未必打得响，曼联客胜可放心捧场。
