祖记强锋做大事
C朗领军挑战红黑霸权
今晚意甲快车尾场，1哥AC米兰主场大战祖云达斯。AC虽有射手伊巴谦莫域上阵成疑，但主帅皮奥利偏重进攻嘅打法，係「红黑兵团」成绩飙升嘅关键，祖记为抢分亦不容再失，王牌C朗士哥停不了，今场係斗攻格局，必捧2.5球嘅入球大。
AC今季全面翻生，神锋伊巴谦莫域居功至伟，佢唔单止係战术核心，散发出捨我其谁嘅霸气，亦令队友重拾信心。虽然伊巴仍有伤在身，未必能够赶及披甲，但主帅皮奥利嘅进取风格从未改变，列比锡伤愈复出可谓及时雨，拉菲尔利亚奥之前更打破意甲最快入球纪录，连同查汉奴古，以及已有5球进帐嘅基斯尔后上支援，令AC有更多进攻板斧。喺伊巴缺阵下，「红黑兵团」近7场联赛亦取得5胜2和，包括上仗有「新派路」辛度东拿利领红牌被逐，打少个之下仍以2比0击败宾尼云图，战力未减。
争前4强攻冇保留
已连续9季意甲封王嘅祖记，今季改由经验尚浅嘅派路执教，表现略见飘忽，曾失分畀克罗托内、宾尼云图等弱旅，导致联赛积分远远落后AC，沦为5哥，莫讲话争标，依家甚至争前4亦唔容易，因此今场实在不容有失。不过「斑马兵团」火力依然强劲，王牌C朗上仗赢乌甸尼斯4比1又省两粒，以14球位居射手榜榜首，亦令佢职业生涯累积758球，超越比利荣登史上第2「士哥王」，点知呢位巴西球王突然「搬龙门」，喺IG改咗自己轰入1,283球，令C朗空欢喜一场，今仗必定火力全开争士哥。
AC依家畀联赛排名第2嘅国米追到气咳，必要力争3分，佢哋近13场联赛，有11次开3球或以上，单计主场近6场联赛亦5次至少开总入球3球，捧中位数2.5球嘅大盘最明智。
