修咸顿主场细守曼城
今季表现惊喜嘅修咸顿今晚喺主场迎战曼城。「圣人」修咸顿主场防守力强，近5次主场4仗保持不失；曼城受到主力伤患问题困扰，佢哋喺英超嘅统治力已大不如前，领队哥迪奥拿亦改用较稳阵嘅战术，尤其作客比赛更加保守，今场面对修咸顿必定以稳为先，捧2.5球入球细。
蓝月亮踢法转趋保守
曼城今季出现锋线哑火，阿根廷前锋阿古路长期受伤患困扰，啱啱复出状态未起，另一箭头加比尔捷西斯则状态飘忽，就连史达宁嘅入球数字亦比上季大幅减少，进攻力减弱，上场只能同西布朗打成1比1。
「蓝月亮」攻力下滑，主帅哥迪奥拿改变战术以防守为主，尤其作客比赛採取防守策略，喺葡萄牙中坚鲁宾戴亚斯协助下，后防演出的确有明显改善。曼城过去4场作客比赛只入过1球，近两仗作客波图及曼联均闷和0比0，近8场作客比赛有7场总入球数字为两球或以下，同上季成日大炒对手嘅曼城判若两队，而且快车赛程留放好紧要，作为战术大师，哥迪奥拿当然明白当中道理。
修咸顿主场出击防守力更一流，近5次主场有4仗能够保持不失，不过攻击球员丹尼艾格斯、禾确特等都係擅打反击嘅球员，面对改为防守性较重嘅曼城，相信难有太大作为，亦减低咗修咸顿嘅入波能力，今场对决好大机会1球定胜负，博入球细
