曼城质高等睇入球骚
欧联C组头场奥林比亚高斯主场对曼城。曼城喺联赛甩晒辘，相反欧联就小组3战全胜，今晚再赢就笃定出线，之后可专心番联赛。费伦托利斯踢欧联醒神，场场有波入，今场担正又再数胡，「蓝月亮」随时一队都够开大，中位数2.5球大盘有买趁手。
费伦托利斯场场有波入
曼城先排同主帅哥迪奥拿续约至2023年，好明显双方都有明确目标，就係球会史上首个欧联冠军。哥帅执教曼城擸尽国内锦标，独欠「大耳朵盃」，所以即使依家喺英超只排13，但会方仍然愿意同佢续约。联赛长路漫漫，慢慢追都未迟，曼城今场只要击败奥林比亚高斯，就可提前出线，喺2月淘汰赛重开前专心主攻联赛。事实上「蓝月亮」喺欧联发挥正常，今届3场分组赛全胜，全部射入对手3球，射手费伦托利斯3场都有斩获，曼城近7场欧联全开3球或以上，咁好路梗係要追。
奥林比亚高斯暂排小组第3，呢场唔搏出线机会就好微。佢哋欧联主场甚有水准，近8场6胜1和1负，包括2比2逼和热刺，唔怕同曼城斗攻，2.5球入球大属可取之选。
