前锋誓炒飞脚开封王P
一再推迟嘅日职封王派对，好大机会喺今日上演！喺榜首遥遥领先嘅川崎前锋，今午主场对次席嘅大坂飞脚，只要保持不败，就可以提前赢得日职冠军，以前锋超强攻力、今季主场超班战绩，加上必胜决心，睇好佢哋赢波捧盃，前锋让1球必捧上盘。
前锋上仗作客倒灶，以0比1不敌三神，另边厢飞脚赢红鑽2比1，踢完上轮，前锋领先飞脚14分，联赛尚馀5轮，数字上前锋仍未封王，今轮同次席飞脚直接对决可谓天意，前锋只要拎多1分就可以捧盃，不过假如飞脚赢波，前锋嘅封王派对就要继续押后。
主场超班镬气够
讲番上轮联赛，前锋击败水手后仅休息2日匆匆上阵，面对休战期长达18日嘅大分三神，前锋球员体力输蚀处于劣势，谷口彰悟上半场被罚12码兼领红，结果畀三神队长野村直辉一箭定江山，前锋输0比1，亦係佢哋近4轮第2场败仗。
相比之下，飞脚同样需要应付频密赛程，冇体力优势，佢哋近期表现同样波动，近4仗录得2胜1和1负，包括主场对榜末弱旅仙台维加泰淨吞4蛋，以其近况相信无力做前锋拦路虎。睇番前锋今季表现相当超班，当中主场录得13胜1和1负，赢超过1球嘅胜仗多达8场，今仗让1球，捧上盘可立不败之地。
