般尼哑火细盘有宫略
今晚继续有英超上演，仲要係「双料娱乐」，头场般尼主场对水晶宫，尾场狼队迎战修咸顿。般尼今季踢咗7场仲未赢过，入得3球攻力非常疲弱，至于水晶宫近3场作客亦有2场入唔到波，加上双方近7次对赛，有6次总入球开2球或以下，首选2.5球入球细。
般尼今季表现持续低迷，7场联赛仅取得2和5负仲未开斋，3场主场出击更全部输晒兼入唔到波。好彩佢哋防守未算太曳，面对2支前列球队修咸顿同热刺都只係仅负0比1。水晶宫近6场获2胜1和3负，表现不过不失，但想攻破般尼大门亦非易事，捧细盘啱数。
遇同级狼队 圣人下盘笋
至于尾场狼队主场对修咸顿可谓势均力敌，两队近况亦差不多。狼队近5战3胜1和1负，修咸顿近6场5胜1和，「圣人」虽然有首席射手丹尼艾格斯养伤，但今季打起嘅「罚球王」禾特普斯赶及复出，对同级对手狼队有得受让极笋，一于捧修咸顿下盘。
