防反战术先係最耍家
星期五又有英超，今晚戏码係狼队斗水晶宫，睇完周中欧联同欧霸，如果你仲顶得顺睇埋呢场，渡边年真係要讚你一句真球迷。不过以博彩角度，呢场又几好路；狼队擅打防反，水晶宫入波板斧唔多，加上双方近4次交手都开2球或以下，2.5球入球细趁早入手。
狼队上季重用「葡萄牙帮」得出好成绩，今季唔使踢欧洲赛，一般预测佢哋有机会更上一层楼，点知首战赢波之后，领队纽奴搞搞新意思，一度改变阵式，结果连盃赛3连败，最终都係踢番最耍家嘅「352」防反，放弃控球战术，成绩即刻有改善，对住富咸同列斯联都赢1比0，上场斗纽卡素都差啲搞掂，可惜喺比赛末段先畀「喜鹊」扳平1比1，否则可以连续3场煲鱼生粥。
全面箝制韦费特沙夏
向来发挥唔多稳定嘅水晶宫同狼队一样有10分，因较佳得失球仲高过狼队排第8，佢哋一向入波板斧唔多，上季38场只係入得31球，入波数字係20支球队中第2少，今季水晶宫6战入8球，但有5球係嚟自韦费特沙夏，狼队只要专心做好防守，呢名科特迪瓦前锋今场恐怕都好难入波。
事实上，韦费特沙夏喺最近4次两军交手都正选上阵，但1球都入唔到，狼队明显知道点箝制佢，而呢4场赛事狼队获2胜1和，全部总入球都係2球或以下，今场入波唔会多，早啲投注定2.5球入细，瞓醒收钱啦！
