富咸抢分半和拉唔住
今晚英超头场由富咸主场斗阿士东维拉，富咸开季2连败，主场面对同级对手抢分目标明确；维拉上场联赛赢锡菲联带有幸运成分，佢哋近年作客富咸输多赢少，作客想攞3分亦唔易。两军近4次交锋有3次开半场和，信往绩再追。
富咸头2场联赛先后不敌阿仙奴及列斯联，不过上场对列斯联仅负3比4，表现已有改善。佢哋上次喺英超角逐时，全季7场胜仗有6场喺主场取得，如果唔想再做「升降机」，主场对同级对手必以3分为目标，而且近5次主场对维拉全胜，今场未必冇得打。
近4次交手3开半和
维拉联赛首战小胜锡菲联，如果唔係对方后防主力艾根开波12分钟被逐，加上隆特史谭射失12码，错失领先机会，维拉未必可全取3分。基于维拉近年作客富咸成绩实在太曳，就算近况较好都有一定暗涌，既然双方近4次交手有3次开出半和，实力半斤八両不妨再追。
